ZIARA YA VIJANA WETU KILUVYA

MIKUTANO YA INJILI KWA SIKU HIZI HAINA MATUNDA WALA HAMASA KAMA ZAMANI

Wakati naanza kupata akili ya kuelewa kuhusu mambo ya imani yangu,nilikuta mikutano ya injili ikiwa ndio njia kuu ya kuwaleta watu kwa Yesu. Lakini waliotutangulia katika imani hii wanatusimulia kuwa Mwishoni mwa Miaka ya 1970 na Mwishoni mwa Miaka ya 1980 bado njia kuu iliyokuwa ikitumika kuwaleta watu kwa Yesu ilikuwa ni Mikutano Ya Injili ya hadhara ambapo watu wengi walimpokea Yesu kupitia mikutano hiyo. Wahubiri wa kizazi hicho, Mzee Emmanuel Lazaro, Mzee Moses Kulola,  Mzee Ayoub Mgweno na Wengineo

walikuwa na kazi kubwa ya kueneza neno la Mungu na asilimia kubwa ya watu waliookoka katika zama hizo waliokoka kwenye mikutano ya wahubiri hawa.

Miaka ya 80, ikaanzishwa huduma inaitwa “The Big November Crusades” chini ya Mzee Lutembeka na Mzee Kisondo. Mikutano hii ilikuwa na nguvu sana miaka hiyo. Nakumbuka ilifanyika katika maeneo ya Mnazi Mmoja na Jangwani kwa wakazi wa Dar, Wagonjwa walikuwa wanaletwa kutoka Muhimbili na walikuwa wakirudi wamepona. 
George Gichana kutoka Kenya ali maarufu “GG”  nakumbuka enzi hizo pamoja na Mzee Roy Daman walikuwa wakija Dar-es-Salaam, kila shughuli ilikuwa inasimama na kila mtu akisubiria “The Big November” ili kuona miujiza lakini pia kuona kwaya kuu zilizokuwa zikitamba enzi hizo, Mtoni Lutheran, na wimbo wao wa Lulu, Chini ya Mwl. George Victory Singers na Wimbo wao wa Mchakamchaka, Chini ya Mwalimu Mwalubalile na Revival Singers na wimbo wao uko wapi, chini ya Mwalimu Mackenzie

Miaka ya 90 na Mpaka sasa nimeona kama hii mikutano ya injili ya hadhara imekuwa kama haina matokeo mazuri ama makubwa kuliko katika kizazi kile cha Mwishoni    mwa , 2010 niliamua kutembelea katika baadhi ya mikutano ya injili iliyokuwa inafanyika Tanga, nilitembelea pale kanisa la TAG Mwembe wa Yesu pale Kisha nikashiriki mkutano wa injili tuliouandaa kanisani kwetu KLPT Majani mapana , kinanisukuma kutazama mikutano hii ni kuamini pia kuona mikutano hii inavyoendeshwa, mwitikio wa waumini wenyewe kwenye mikutano hii, na pia mpango mkakati wa kuwatunza hawa wanaoamua kumpa Yesu Maisha yao.

            

Mbali na mikutano ya injili, pia nimekuwa nikiwasikiliza watumishi wa Mungu wale wanaohubiri kwenye vituo vya mabasi, pale Posta kuna rafiki yangu huwa anahubiri, mwenge kituoni kuna mpendwa huwa anahubiri, stendi ya mkoa kuwa wanaohubiri na kuna wengine wanakusanya sadaka kabisaaaa kwa ajili ya kupata maomb meona kwenye kuangalia kwangu nikama ifuatavyo

Mbali na mikutano ya injili, pia nimekuwa nikiwasikiliza watumishi wa Mungu wale wanaohubiri kwenye vituo vya mabasi, pale Posta kuna rafiki yangu huwa anahubiri, mwenge kituoni kuna mpendwa huwa anahubiri, stendi ya mkoa kuwa wanaohubiri na kuna wengine wanakusanya sadaka kabisaaaa kwa ajili ya kupata maomb meona kwenye kuangalia kwangu nikama ifuatavyo.

                                                                       

 Mikutano Ya Injili.

1. Waumini wengi (wenyeji) wa mikutano wanapatika siku za Jumamosi na Jumapili, siku za kawaida mikutano huwa na watu wachache na kukosa hamasa ya watu.

2. Mkutano Mingi inayowekwa kwenye viwanja vya makanisa huwa na washirika zaidi kuliko wenye dhambi katika kuhudhuria. Ikifika saa ya kukata shauri muhubiri hutumia muda mrefu wa kuamua kuimba pambiodent:-

3. Wahudumu wengi wa Mikutano wanakuwa hawako well trained kwa ajili ya hiyo kazi, Mfn. Namna ya kukaribisha watu, namna ya kubeba wagonjwa, namna ya kukemea mapepo na pia namna ya kusimama katika kuombea watu, kila Muhubiri ana style yake ya wahudumu kusimama.

4. Mikutano inayofanyikia kama Jangwani, Biafra, Kawe au katika viwanja vya wazi ni ngumu kuwapata wale kondoo wapya kutokana na umbali wa viwanja na makazi ya watu pia.

Wengi wanaohudhuria mikutano hii ni watu wa hali ya chini, wale wasiokuwa na kazi, wafanyakazi wa ndani na wanafunzi. Watu ambao ni wafanyakazi wengi wanatingwa na shughuli nyingi za kutafuta kipato.

6. Waongofu wapya wengi huwa hawadumu, unaweza kuta waliookoka jumla ni 100, wanaoendelea mpaka sasa ni wawili.

7. Wahubiri wengi wa nje wanaongea vizuri  lakini ile nguvu ya udhihirisho ni ndogo sana, yaani wagonjwa kupona wengi ni wale wa tumbo, kichwa na maumivu tu. Ila vipofu, vilema na viziwi bado imekuwa utata kuwapata waliofunguka

8. Ile tabia ya watu kukata shauri na kuhamia kwenye “dhehebu” wenye kuhost mkutano imepitwa na wakati. Wengi wanaokoka na kubaki huko huko waliko ambapo imepelekea kupunguza morale ya “kuwavunia” wengine na makanisa kuamua ku-opt “Semina Za Ndani”.

9. Waumini wengi si wepesi wa kwenda nao zaidi ya wenyeweji kujazana wenyewe uwanjani

1. Wengi wa wahubiri hawa hawajaribu kuonesha upendo wa Mungu, ila kuwatuhumu abiria na kuwaogopesha na siku ya mwisho. Nimewahi kumsikia Muhubiri pale Posta akiongelea mavazi na wakati mwingine hata Dowans katikati ya Mahubiri.

2. Muhubiri anapokanza kuhubiri wanaomsikia ni wengine, mpaka ikifik kata shauri ni mara chache mtu akakaa kituo cha basi zaidi ya nusu saa kusikiliza mahubiri kuliko mtu kusikiliza sauti ya konda anapoita abiria

3. Mpango Mzima wa sadaka sijajua kama wale watumishi wanakumbuka kutoa kikumi, maana akichukua kila basi per day ana make inaweza kumfanya akaona ile ndo ajira yake ya kila siku, kuhubiri na kukusanya sadaka

Lazima nikiri kuwa kuhubiri katika hadhara pia ina faida sana kwenye maisha ya waamini, inakujenga na kukupa ujasiri. Kwa sisi ambao tumekuwa bega kwa bega na wazee wetu kwenye mikutano ya injili, lazima tukiri mikutano ya injili ya nje inakujenga kimwili na kiroho na kisaikolojia pia.

Kwa changamoto nilizozitaja kwangu naona mikutano ya injili inahitaji kutazamwa upya kwa maana ya namna tunavyotumia rasilimali tulizonazo, muda, fedha, watu na kila kilichopo. Semina za Kiroho ambazo zimekuwa zikijenga hata wapendwa nimebaini zimekuwa natokeo makubwa kuliko mikutano ambayo Kanisa linatumia gharama kubwa kuliko matunda ya mikutano hii. Nadhani ipo haja ya sisi wadau kusaidia kuliona hili na pia kushauri pale tunapopaswa kushauri                                                                                                                      

Wasalaam,

Samuel Sasali Papaa

Kweli mikutano ya nje imepungua na hii mi naona ni kusababishwa na mazingira nikimaanisha mikutano mingi ya zamani ilibase kwenye injili haswa na watu kuokoa, kwasasa mingiimeamiakwenye semina na semina nyingi kufanya na wenyehudumaya kialimu na mitume,pia naona imeamia kwenye majengo ya ndani nikimaanisha makanisa na mahema. 

Kingine naona ni wale wainjilisti wa zamani waliokuwakwenye majukwaa na viwanjani hawakuandaa watu kipindi walichokuwepo ili ikitokea hawapo au kipindi chao cha kazi kumalizika basi gurudumu litabebwa na hao walioachiwa. 

Finally kwangumimi naona ni swala la season kwa sasa Mungu anatumia huduma ya kialimu sana kuwafundisha watu neno badala ya forces za wainjilisti. 

Lakiniinabidi kukutana na wainjilisti hawa wa zamani ni rahisikupata views zao katikahili na pia tazama vijana wa sasa nguvu na upako wakiinjilisti umepoa sana kwao wote wanabase kwenye miracles,unabii na n.k

Kwa mimi nahisî msukumo wa kuendelea na mikutano pia umepungua.

yawezekana ni :

1. kuongezeka waumini makanisa ya wale waliokuwa wanafanya mikutano hii ya injili ya nje.

2. mafundisho ya kiinjilisti yamepungua na hivyo kukosekana kwa wainjilisti wapya kuendeleza kazi.

3. Maendeleo ya kiteknolojia yanayofanya matumizi ya redio na tv kuwa makubwa na hivyo kuwafikia watu wengi zaidi kama vile afanyavyo mzee wa upako, mama lwakatare na kakobe. Hata miziki ya injili inavyozidi kuimarika na kuwafikia watu wengi kubadilisha maisha yao.

                 

HARUSI YA ELIZABETH NA YOHANA ALLEN

Aliyependeza namna hii ni mwimbaji wa Tanya Prise & Worship Team ya jijini Tanga akisema neno siku ya harusi yake 

Mheshimiwa Yohana Allen akilishwa kiapo na  Mchungaji Georgre Nywage siku ya alipofunga ndoa na Eliza.

wanaoonekana kwa mbele ni wapambe wa harusi wakiwasindikiza maharusi kutoka nje ya kanisa.

Bwana na bibi wakitoka nje ya ukumbi wa kanisa.

Haya jamani mbona mnapiga picha kabla hatujaweka pozi

haya sasa piga picha yako haraka tusije tukapoteza pozi.

mh! na sisi pia tusikose kumbukumbu hii muhimu sana.

huku Tanga huwa tunaenda kupiga picha baharini, sijui wenzetu msio na bahari mnapiga picha wapi?

Duh! mama Cesi naye hakuwa nyuma alishika nafasi yake sawasawa.

Mmh hili pozi hapa wala sio mahali pake.

Hapo ni sisi hao tulipendeza si kidogo.

Hapo  naona bibi harusi alikuwa keshachoka na hekaheka za harusi. inabidi na mimi niishie hapa kwa kuwatakia maisha mema heri na baraka tele.

KUMBUKUMBU MAZISHI YA DR REMMY

ALIYEFARIKI ATOKEA GHAFLA.

Hizi picha haihusiani na tukio linalolipotiwa ila imewekwa hapa kwa sababu ya mahusiano na vitendo vya kishetani

“Bado huyu yumo ndani amefungiwa, lakini saa saba za usiku wa kuamkia leo (jana) alitaka kutoka, aling’ang’ana sana ili atoke, akapiga sana mlango...wakamfanya dawa ndipo akajaribu kutulia hadi sasa bado yumo ndani na usiku alipewa chakula akala na asubuhi amepewa uji” alisema mtu wa karibu wa mwanamke huyo.

MAMIA ya wakazi wa Kijiji cha  Lamadi, wilayani Busega mkoani Simiyu, juzi walifurika katika Kitongoji cha Mabulugu kumshuhudia mwanamke Ngulima Kilinga (30), aliyedaiwa kufufuka huku mwili wake ukiwa umehifadhiwa katika hospitali ya Mkula iliyopo mkoani humo.
Inadaiwa kuwa mwanamke huyo aliyefariki dunia tangu juzi, alionekana saa chache baadaye akiwa mzima wa afya na kuingia nyumbani kwake.

Habari zaidi kutoka katika kitongoji hicho zinasema mwanamke huyo bado amefungiwa ndani ya nyumba yake akifanyiwa dawa za kienyeji ili arudie katika hali yake ya kawaida, kwani kwa sasa anaonekana kama zezeta.

“Bado huyu yumo ndani amefungiwa, lakini saa saba za usiku wa kuamkia leo (jana) alitaka kutoka, aling’ang’ana sana ili atoke, akapiga sana mlango...wakamfanya dawa ndipo akajaribu kutulia hadi sasa bado yumo ndani na usiku alipewa chakula akala na asubuhi amepewa uji” alisema mtu wa karibu wa mwanamke huyo.

Pia inadaiwa kuwa tayari mganga wa kienyeji amekwisha kuja kwa ajili ya kutengeneza mwanamke huyo ili aweze kurudia hali yake na kwamba amewashukuru wananzengo hao kwa kuweka maiti kwenye nyumba ya mtuhumiwa huyo, kwamba hiyo ndiyo njia sahihi.

Kamanda wa Polisi mkoani Simiyu, Salum Msangi alithibitisha tukio hilo, lakini akabainisha hayo ni mambo ya imani za kishirikina.

Kamanda Msangi alisema polisi walipelekwa katika eneo la tukio kuhakikisha usalama wa wananchi na hadi saa 9:00 jioni jana, maiti ya mwanamke huyo iliyokuwa hospitali ilikuwa haijazikwa.

Jana umati mkubwa wa watu ulifurika katika Hospitali ya Mkula kulikohifadhiwa mwili wa mwanamke huyo kuushuhudia.

Ndugu wa mwanamke huyo akiwamo mumewe Ngitu Masisanga na mama yake mzazi, Mwashi Myeya walisema Ngulima aliugua ghafla juzi baada ya kukwama na mfupa wa samaki wakati akila chakula nyumbani kwake.
“Baada ya kuugua alipelekwa hospitali ambako alifariki ghafla na kuwekwa kwenye nyumba ya kuhiofadhiwa maiti’’ alisema.

Alisema  cha ajabu ni kwamba wakati wamelala nyumbani kwa marehemu sambamba na waombolezaji wengine, saa 7 usiku marehemu alitokea akiwa uchi.

Walisema marehemu huyo alimwita mtoto wake ampatie nguop na kuchukua albamu ambapo aliangalia picha.

Mashuhuda wa tukio hilo walisema kuwa mbali na kutazama picha hizo na kutaka kupewa nguo zake, pia marehemu huyo alichukua tochi iliyokuwa ikiwaka na kuizima.

Mama mzazi wa marehemu alisema, “Kabla ya kukimbia nje tulimzuia yeye kutoka nje tulimfungia mlango na sisi ndio tukakimbilia nje, licha ya kufunga mlango alikuwa akiupiga kwa nguvu ufunguke ila na yeye aweze kutoka nje, kuna mtu amefanya dawa za kienyeji ndio tunasubiri majibu.”

CHANZO:GAZETI LA MWANANCHI

HALI HALISI YA KANISA LA TANZANIA

Moses Kulola

INGAWA takwimu zilizotokana na Sensa ya taifa zinaonyesha kuwa Ukristo kwa ujumla wake unakua kwa kasi ndogo, ikiwa ni chini ya asilimia 35 ya Watanzania wanaokadiriwa kufikia milioni 40, takwimu hizi haziendani na hali halisi inayoonekana hata kwa macho ya kawaida.

Utafiti wa awali uliofanywa na Tanzania Christian Directory unaonyesha kuwa kasi ya ukuaji wa makanisa ya kiroho, unaoendana na idadi ya kubwa ya watu wanaookoka kila siku inapingana kwa kiasi kikubwa na takwimu za Sensa.
Ingawa takwimu zinaonyesha kuwa idadi ya Wakristo na wapagani inakaribiana, huku Waislamu wakiwa ni wengi zaidi, vugu vugu la wokovu na ukuaji wa kasi wa makundi ya waumini wa makanisa ya Kiroho vinaashiria kuwa hali si kama inavyodhaniwa.
 Kwa mfano, utafiti kuhusu ukuaji wa makanisa unaonyesha kuwa Huduma ya Kitume na Kinabii ya Efatha imekua kutoka watu 100, miaka kumi iliyopita na sasa ina idadi ya watu 100,000 katika makanisa yake yaliyosambaa nchi nzima.Huu ni mfano wa kanisa moja tu la kiroho, na ikumbukwe kuwa Tanzania ina maelfu ya makanisa yanayokua kwa kasi ya kati. Katika kanisa hilo la Efatha ambalo watafiti walilitumia kama mfano, kwenye mkutano mmoja mwishoni mwa mwaka jana, jumla ya watu 2000, waliokoka baada ya semina ya wiki moja.

Inakadiriwa kuwa waumini 15,000 huhudhuria ibada ya Jumapili katika kusanyiko moja tu na kanisa hilo lina matawi kila kona ya Tanzania. Kulingana na ukweli huu lazima takwimu za Sensa ambayo hufanyika mara moja kila baada ya miaka 5, au 10 haziwezi kutoa hali halisi ya ukuaji wa makanisa. Dar es Salaam, ambayo ni kioo cha ukuaji wa makanisa, ina makanisa mengi yanayokua kiidadi kutokana na:
1.Watu kuyaacha maisha ya dhambi na kuamua kumpokea Bwana Yesu 

2.Kukua kibailojia, kutokana na watu kuzaliwa na kukulia katika imani ya Kikristo
3.Kuhama kutoka dini nyingine kwenda Ukristo wakivutwa na ishara na miujiza ambayo inadhihirika kila kukicha katika makanisa ya Kiroho.

UKUAJI WA UKRISTO NCHINI
Ukiachilia mbali Kanisa la Efatha linaloongozwa na Mtume na Nabii Josephat Elias Mwingira, ambalo linaaminika kuwa linaongoza kwa kukua kwa kasi na kuenea nchi nzima, likiwa na watumishi wanaosoma katika Chuo cha Huduma hiyo kilichopo Kibaha mkoani Pwani, Kanisa la Ufufuo na uzima, chini ya Askofu Josephat Ngawajima (maarufu kama kanisa la Misukule) nalo limekuwa na idadi kubwa ya watu wanaookoka kanisani hapo kila siku na inakadiriwa kuwa umati wa watu 12, 000 wanakutana pamoja kila Jumapili. Msisitizo wa kanisa hilo ni kuwafufua watu waliochukuliwa au kupotea katika mazingira ya kutatanisha. Mwishoni mwa mwaka jana kiongozi wa kanisa hilo alionyesha hadharani watu 150, ambao wanaaminika kuwa walirejeshwa kutoka mikononi mwa wachawi.

Hata hivyo utafiti unaonyesha kuwa kasi yake ya kujitanua nje ya Dar es Salaam, si kubwa sana na ukilinganisha na Kanisa la Full Gospel Bible Fellowship (FGBF) linalongozwa na Askofu Zakaria Kakobe, likiaminika kuwa msisitizo wa mahubiri yake ni Utakatifu na kuzingatia maadili.

Pamoja na kuwa na msimamo mkali wa kuzingatia maadili na msimamo wa kuwapiga marufuku wanawake wasiofunika vichwa na waliovaa nywele za bandia kuingia kanisani humo, bado kanisa hilo limebaki kuwa miongoni mwa makanisa ya uamusho na lenye matawi sehemu nyingi za Tanzania.

Ngurumo ya Upako
Huduma hii iko chini ya mwanzilishi wake Mheshimiwa Nabii GeorDavie , na makao makuu yake yako nje kidogo ya jiji la Arusha, katika bara bara ya kuelekea Dodoma. Huduma ya Ngurumo ni miongoni mwa vituo vinavyokusanya idadi kubwa sana ya waumini kwa wakati mmoja.

Inaaminika kuwa zaidi ya watu 12,000 hukusanyika pamoja kumtukuza Mungu kila Jumapili na tayari inapanuka kwa kasi ya kutisha ikiwa na matawi katika mikoa mbali mbali ya Tanzania na nje.

Mafundisho ya Huduma hii yamelenga zaidi kwenye ukombozi na uponyaji. Kuna shuhuda nyingi za watu waliokuwa wamekaribia kufa walipoamini walipona na wako hai wakimtukuza Mungu wa mbinguni.

Pia ni mahali ambapo kuna shuhuda za kurejeshwa kwa watu waliokuwa wamechukuliwa misukule na wale ambao wanateswa na ibilisi.

Makala zake kwenye magazeti na vipindi vya Televisheni vimeelezwa kuwavuta watu wengi katika ufalme wa Mungu.

Living Water Center
Huduma hii kama ilivyo kwa huduma nilizotaja hapo juu, haikuanza siku nyingi sana, lakini pia imekuwa na uamusho mkubwa na tayari ina matawi kadhaa nchini ikiwa ni pamoja na jiji la Arusha na Mwanza.

Mikutano ya hadhara, iliyoongozwa na Kiongozi wake Mtume Onesmo Ndegi, katika mikoa ya Dar es Salaam, Mwanza na Arusha, pamoja na uwezo wake mkubwa wa kutumia njia za kisasa za mawasiliano kuhubiri, inaelezwa kuwa kivutio na uamsho mkubwa.

Muundo wa kanisa lake ambalo limejengwa kwa makuti kitaalamu na kuonekana kama kiota cha kitalii ni miongoni mwa mambo ya kipekee katika huduma hii ambayo huvutia watu wengi.

Kanisa hili ni pia linasisitiza mafundisho ya utakatifu, lakini likijikita zaidi kwenye ukombozi na mafanikio ya mwili na roho.

Kiongozi wake ni miongoni mwa wachungaji wa mwanzo kutumia televisheni kupeleka habari njema za injili ulimwenguni kote.

Mikocheni B. Assemblis of God
HILI ni kanisa la kipekee ambalo linaongozwa na Mbunge wa Bunge la Jamhuri ya Muungano wa Tanzania, Mheshimiwa Mchungaji Dk. Getrude Rwekatare, ambaye licha ya kuwa Mchungaji mwenye uwezo mkubwa wa kuhubiri, ni mwanamke ambaye mafanikio ya kimwili pia ni mfano wa mahubiri yake.

Pamoja na kuhubiri injili kwa muda mrefu tangu alipokuwa kiongozi wa wanawake kwenye kanisa la Tanzania Assemblies of God, Ilala, jijini Dar es Salaam, ni mwanaharakati wa haki za akina mama na watoto na mfanyabishara anayemiliki mtandao mpana wa shule za St. Mary’s International, Kenton, na kituo maarufu cha Redio kiitwacho Praise Power, ambacho kinatoa nafasi sawa kwa wahubiri wengine kuhubiri Injili kupitia vipindi vyake mbali mbali.

Kanisa lake pamoja na mambo mengine linahubiri Injili yenye msisitizo wa mafanikio. Pia anaendesha vituo kadhaa vya watoto yatima na tayari kanisa lake limefungua matawi katika jiji la Dar es Salaam.

Kanisa hili lilianzia kwenye majengo ya shule ya msingi Mikocheni mika tisa hivi iliyopita, lakini sasa limekua na kuweza kujenga jengo la ibada lenye uwezo wa kukusanya zaidi ya waumini 8,000 kwa ibada moja ya Jumapili.

Shule alipoanzia kanisa mchungaji huyo ameipa zawadi ya kuijengea majengo ya kisasa ya kufundishia na huu umebaki kuwa mfano wa jinsi kanisa linavyojali jamii.


HAKUNA LISILOWEZEKANA
Hii ni huduma ya Kiroho iliyoanzishwa na Askofu Sylvester Gamanywa, mmoja wa maaskofu vijana na shupavu mwenye jicho la kuona mbali na kushiriki katika harakati kadhaa.

Mara nyingi ni mtu wa kuingia katika kila jambo na kutumia mamlaka yake kutafuta ufumbuzi. Katika uchaguzi mkuu uliopita alikuwa miongoni mwa wahubiri wa kwanza kujitoa katika kuendesha kampeni ya kuhimiza amani na kuliombea taifa.

Akitumia kituo chake cha Redio ya Kikristo itwayo Wapo F.M, Askofu Gamanywa, aliongoza pia harakati za kuhimiza watu kubadili tabia ili kujikinga na gonjwa la UKIMWI, hapo serikali ikatambua mchango wake na akateuliwa kuwa mmoja wa Makamishina wa Tume ya kupambana na ugonjwa huo Tanzania.

Ingawa alikuwa mhubiri kwa muda mrefu, akimiliki pia Gazeti la Kikristo la Msema Kweli, Askofu Gamanywa alipata mafanikio makubwa katika miaka sita tu iliyopita ambapo uamsho mkubwa umedhihirika katika huduma yake.

Baada ya huduma yake kupanuka alifungua kituo cha miujiza na uponyaji huko Mbezi Beach, jijini kiitwacho BCIC, ambacho mbali ya kuwa ni kituo cha maombi na uponyaji kwa damu ya Yesu, ni mahali ambapo semina na masomo maalumu yanayolenga kuibadili tabia ya Watanzania hufanyika kwa mafanikio makubwa.

Kwa wakati huu Askofu Gamanywa, anaendesha kampeni iliyolenga kuokoa kizazi kijacho kwa kupambana na uharibifu wa maadili kwa vijana.

Calvary Assemblies of God (CAG)
Huduma hii ni moja kati ya huduma za kiroho hapa nchini, Ilianza miaka 15 iliyopita na imekuwa ikikua kwa kasi na kupata mafanikio makubwa sana ya kiroho. Mbeba maono wa huduma hii ni Mtume Dustun Maboya, ambaye yeye ndiye kiongozi mkuu wa huduma.

Hudumu hii chini ya Mtume Dustun Maboya, ilianzia mjini Morogoro mwaka 1994 huku ikiwa na waumini 200 tu, katika ibada moja na hadi kufikia sasa inakadiriwa kufikia zaidi ya waumini 5000 kwa ibada.

Msimamo na mkazo wa mafundisho ya huduma hii ni kuhubiri mafundisho ya wokovu na mafanikio ya kiroho na kimwili pia.

Mtume Dustan Maboya aliokoka mwaka 1977 na mwaka 1978 mara baada ya kupata wito wa kumtumikia Mungu alijiunga na chuo cha biblia cha mkoani Arusha na kuhitimu mwaka 1981. Baada ya hapo aliacha kazi na kuamua kumtumikia Mungu kwa kuanzisha huduma hii.

Kwa sasa Calvary Assemblies of God, chini ya Mtume Dunstun Maboya, imeenea nchi nzima na kufikisha idadi ya makanisa 460 kwa nchi nzima mjini na vijijini.

Silioam Ministry International
Huduma hii, ikiwa chini ya mbeba maono Mtume N.Z.Munuo, ilianza miaka mitano iliyopita na kuwa na makao yake makuu jijini Dar es salaam.

Huduma hii ambayo inaonyesha kukua kwa kasi sana, ilianza ikiwa na washirika watatu tu waliokuwa wakifanya ibada nyumbani kwa Mtume Munuo. 

Kwa sasa huduma hii imetanuka nchi nzima na kuwa na matawi kila Wilaya na inakadiriwa ibada moja inakusanya waumini zaidi ya 3000 kwa jumapili.

Msimamo na mkazo wa mafundisho ya huduma hii ni kuvunja misingi mibovu ya shetani ndani ya watu na kisha kuwajenga watu hao katika nguzo nne, NENO,IMANI, UTAKATIFU na UTII.

Mtume Munuo, alipata wito wa kumtumikia Mungu na kumjengea nyumba ya ibada ambayo watu watamwabudu katika roho na kweli akiwa mwajiriwa wa Shirika la Umeme nchini na baadaye aliamua kuacha kazi na kwenda kumtumikia Mungu. Hiyo ilikuwa mwaka 2003.

Kwa sasa huduma hii tayari imekwishaanzisha chuo cha Biblia kinachoitwa Siloam Bible College, ambacho kimetumika kuwaandaa watumishi mbalimbali wa Mungu kutoka katika makanisa na huduma mbalimbali hapa nchini. Kwa sasa hudumu hii ya Siloam hapa nchini, chini ya mtume N.Munuo, ina jumla ya makanisa yapatayo 70 nchini.