MTOTO WA LUCK DUBE ARITHI KIPAJI CHA BABA YAKE

Marehemu Luck Dube wakati wa uhai wake

Huyu ndiye binti wa Luck Dube aliyekuwa mshindi wa pili katika mashindano ya kuimba nchini afrika kusini

Waombolezaji wakiusindikiza mwili wa marehemu Luck Dube.

sehemu ya mashabiki wa Luck dube wakiomboleza.

Gari la kifahari la Luck Dube ambalo lilikuwa ni shabaha ya wauaji wakehata hivyo hawakuondoka na gari hilo.

Luck Dube akiwa na familia yake.

Wauaji wa Luck Dube wakiwa mahakamani.

Waombolezaji.

Mwanamuziki maarufu Brenda Fassie (Mabree) ambaye kwa sasa naye ni marehemu alishiriki mazishi ya dube.

USHUHUDA MKUBWA WA ALI

Ali

Ali ni mkubwa kati ya watoto tisa lakini hana kumbukumbu yoyote nzuri ya kuwa miongoni mwa familia kubwa hivyo. Walikuwa wakimtania na kumwambia kuwa alikuwa hafanani na mtu yeyote katika familia yake. Mama yake alisema kuwa alikuwa akimchukia na kwamba alikuwa ni mtoto ambaye amefanana naye kidogo sana. Kila siku Ali alijihisi kukataliwa na familia yake na hivyo alipokuwa mtoto alilia sana.

Kwa muda wa miezi minne kila mwaka, Ali alifanya kazi ya kuchunga kondoo. Alianza kazi hiyo alipokuwa na umri wa miaka nane na kuendelea na kazi hiyo hadi alipofikia umri wa miaka kumi na nane. Aliwapeleka kondoo milimani na kwa vile alitumia muda mwingi peke yake alihitaji mtu mwingine wa kuongea naye “alijitengenezea mungu“ moyoni mwake. Mungu huyu alikuwa kama rafiki yake. Angeweza kuongea naye kwa mazungumzo marefu kama vile:“ni vizuri kama nini viumbe vyako ulivyoviumba,“ alipoyaangalia maua, jua, miamba na nyasi. Pengine angeweza kumwuliza huyo mungu swali hili: „Je, utamu wa tunda la apple unatokana na nini?“ Maana aliamini kuwa kulikuwa na Mungu aliyetengeneza au kuviumba vitu vyote vizuri.

Alipokuwa na umri wa miaka ishirini, alianza kunywa pombe sana. Na alipofikia miaka ishirini na mitano alikuwa mlevi wa kupindukia. Wakati mwingine alianza kunywa kabla hata ya saa tatu asubuhi! Aliporudi nyumbani mkewe mara nyingi alikuwa akimwuliza endapo ametoka kunywa pombe. Jambo hili lilimkasirisha mno na kwa hiyo akaanza kumpiga kila siku. Watoto wake walishuhudia manyanyaso hayo na walikuwa na hofu kurudi nyumbani baada ya kutoka shule, kwa hiyo walienda kwenye nyumba za marafiki zao mpaka walipojua kuwa baba yao ameshalala. Ali alitaka sana kuacha kunywa pombe na alichukia sana kwa jinsi alivyokuwa akimnyanyasa mkewe. Hivyo aliamua kuhamia Saudi Arabia ili kufanya kazi kama mkandarasi (fundi mwashi) kwa sababu alikuwa amesikia kuwa ulevi ni kitu kilichokuwa kimekatazwa kisheria. Hata hivyo usiku wa kwanza alipokuwa Saudi Arabia aliona kilevi na akanywa.

Pamoja na kwamba Ali hakuwa ni mtu wa dini, familia yake walisema kuwa ni waislamu lakini hawakujua zaidi kuhusu dini yao. Ali aliamua kwenda Mekka, akitumaini kuwa kwa kutembelea kule kungeweza kumfanya huru kutokana na shida yake ya ulevi. Alisema: „Nilifanya maamuzi moyoni mwangu. Ninaenda kufanya hija ya kweli. Nitakuwa mwislamu halisi na nitaacha kabisa kunywa pombe.“ Usiku ule ule wa kwanza alipokuwa Mekka, Ali aliota ndoto. Katika ndoto ile, alimwona Yesu akishika mkono wake na kumwambia: „Wewe ni wangu.“ Pia aliweka kidole chake kwenye paji la uso la Ali na kusema: “Unahitaji kutoka mahali hapa na kuondoka sasa.” Ali alipoamka alihisi kama alikuwa akielea hivyo akaligusa zulia lake kuhakikisha kuwa alikuwa kwenye nchi kavu. Aliendelea kuisikia sauti ya Yesu ikisema: „Unahitaji kufuatana nami, wewe ni wangu.“ Marafiki zake Ali waliona alama iliyokuwa iking’aa katika paji lake la uso mahali pale ambapo Yesu mwenyewe alikuwa amemgusa, lakini yeye mwenyewe Ali alipojitazama kwenye kioo hakuona chochote. (Alama hii kwenye paji lake ilionekana kama vile „sim,“ aina ya mng’ao ambao hutumika kwa kuwapamba mabibiarusi wa kituruki.)

Ali aliendelea na hija yake. Hata hivyo gari lake alilokuwa nalo kwa mwezi mmoja hivi, liligoma kuwaka ili lianze kutembea. Aliendelea kuisikia sauti ya Yesu: „Unahitaji kuondoka hapa.“ Mara tu alipobadilisha mawazo yake na kuondoka pale Mekka, gari lake liliwaka na kuanza kutembea! Alienda nyumbani kwenye chumba chake alichokuwa amepanga na akasikia sauti ile ile tena. Hapa Bwana Yesu alimwambia kuwa anatakiwa aende Uturuki. Baada ya siku tatu alikuwa Uturuki kwenye sherehe ya „kumkaribisha nyumbani“. Hapo tena akasikia sauti. Wakati huu Yesu alimwambia kuwa awaambie watu wote waliokuwepo pale kuwa, yeye amekuwa Mkristo sasa. Alifanya hivyo, lakini watu hawakutilia maanani juu ya jambo lile la kuokoka.

Hakujua hilo mpaka baada ya miaka michache baada ya ile ndoto ndipo Ali alipoanza kufahamu ina maana gani kuwa Mkristo aliyeokoka. Alikuwa akisikiliza redio aliposikia sauti ikisema: „Yesu alikufa, akafufuka kutoka kwa wafu baada ya siku tatu na sasa anakaa mkono wa kuume wa baba.“ Alimwita mkewe na kumwambia kwamba ameshaipata sauti ya Yesu – ndani ya redio. Kupitia kipindi hicho katika redio, alipokea masomo ya Biblia na pia alipokea Agano Jipya mpya! Alikuwa na umri wa miaka 38 wakati ule na alisema kuwa siku aliyopokea Agano Jipya lile kwa njia ya posta “pengine ilikuwa ni siku ya furaha kubwa maishani mwake kuliko siku yoyote.” Baada ya kumaliza baadhi ya masomo kwa njia ya posta, Ali pamoja na familia yake walihamia Istanbul ili kuweza kusoma shule ya Biblia.

Mpaka leo anaendelea kushuhudia imani yake ya kikristo kwa uwazi na hata bila ya aibu. Ulevi haukuendelea tena kumtawala, na akawa akimtunza na kumpenda mkewe ambaye hapo kwanza alikuwa akimtenda vibaya. Kweli, sasa amekuwa ‚kiumbe kipya ndani ya Kristo.‘

HABARI KATIKA PICHA

Mpiga picha akiwa makini sana katika kupata picha nzuri.nafikiri hapo anawahimiza watabasamu kidogo ili picha itoke vizuri zaidi.

Gari aina ya Fiat (mbaula) ikiwa imebeba mabua

Picha hii inajieleza yenyewe umuhimu wa kuwa na mke mwema

hapa ni gari dogo aina ya PicUp ikiwa imebeba mzigo usio wa kawaida

Hapa ni mahali fulani gari likiwa limebeba mzigo na abiria

Askari akiwa anamsubiri mwenye gari hili amuhoji kuhusu namna alivyobeba mzigo.

Hapa ni kazi tu mapenzi hayana nafasi katika kazi

Haya yalikuwa ni maandamano ya wanaume kupinga kuchomolewa fedha kienyeji na wake zao

Wanasiasa vigogo wakipata tiba ya kikombe cha babu mwasapile

Nimeipenda sana picha hii,inaonyesha kwamba vijana hawa kweli wanapendana.

Picha iliyochakachuliwa(sio picha halisi) ya mzee mwasapile

TAFITI: MATUMIZI YA MTANDAO YANAIMARISHA KAZI ZA UBONGO KWA WAZEE

• Utafiti uliofanywa hivi karibuni nchini Marekani unaonyesha kwamba matumizi ya mtandao (internet) kwa wazee yanaimarisha utambuzi (cognition) na kazi za ubongo wao. Utafiti huu ulihusisha wazee wa jinsia zote wenye umri kati ya miaka 55 na 78. Wazee hawa waligawanywa katika makundi mawili. Moja halikutumia mtandao na kundi jingine lilitumia mtandao mara kwa mara.

• Matokeo yalionyesha kwamba kazi za ubongo wa wazee katika kundi ambalo lilikuwa linatumia mtandao mara kwa mara ziliimarika zaidi kuliko za wazee katika kundi ambalo halikutumia mtandao. Mabadiliko makubwa yalionekana katika sehemu za ubongo zinazoshughulika na kumbukumbu (memory), lugha, kusoma na upambanuzi. 

• Matokeo haya yamewafurahisha wanasayansi na wanasema kwamba pengine matumizi ya mtandao yanaweza kuwa silaha mojawapo dhidi ya magonjwa yanayosababishwa na upotevu wa kumbukumbu na utambuzi kama vile Alzheimer.
•  

• Sina uhakika kama kweli wazee wa Kiafrika wanahitaji mtandao kuimarisha kazi za ubongo wao. Mimi nadhani kwamba michezo kama vile bao, drafti na hata kuhesabu ng’ombe wanaporudi nyumbani kila jioni ni mazoezi tosha yanayoweza kusisimua kazi za ubongo, mazoezi ambayo yamesaidia kuwafanya wazee wengi wa Kiafrika kubakia makini kiutambuzi (cognitively) hata katika umri mkubwa. Sijui kama tulikuwa na wagonjwa wengi wa Alzmeimer barani Afrika kabla ya hili wimbi jipya la utandawazi tunaolishuhudia kwa sasa. Isitoshe, tulikuwa tunakula vyakula vya kiasili na mfumo wetu wa maisha ulituwezesha kufanya kazi sana. Sasa mambo yamebadilika sana na pamoja nayo magonjwa ya moyo, saratani, kiharusi na si ajabu "dementia" na Alzheimer sasa yanatuandama. 

MWAKA MMOJA BAADA BAADA YA KIFO CHA GADDAFI FAMILIA YAKE IKO WAPI?

Mwaka mmoja baada ya kifo cha Gaddafi, familia yake iko wapi?

 22 Oktoba, 2012 - Saa 08:57 GM 

Muamar Gaddafi

Mwaka mmoja baada ya kukamatwa na kuuwa kwa kiongozi wa zamani wa Libya, Muammar Gaddafi tarehe 20 mwezi Oktoba mwaka 2011, familia yake iko wapi?

Watoto watatu wa Gaddafi waliuawa wakati wa harakati za mapinduzi akiwamo aliyekuwa mshauri wake wa usalama wa kitaifa Mutassim Gaddafi, aliyefariki mikononi mwa waasi siku moja na babake.

Jamaa za Gaddafi wanaosalia wamekumbwa na hali tata tangu kifo cha Rais huyo mwezi Oktoba, huku mjane wake akitafuta hifadhi katika nchi jirani ya Algeria, mwanawe na aliyeonekana kama mrithi wa wake Saif al-Islam yuko gerezani nchini Libya akisubiri kusikilizwa kwa kesi yake kuhusu uhalifu wa kivita.

Safiya Gaddafi (Mjane wa gaddafi)

Safiya Farkash, mama wa watoto wanane wa Gaddafi amekuwa akiishi nchini Ageria alikopewa hifadhi kwa sababu za kibinadamu.

Pamoja na wanawe Ayesha na mwanawe wa kambo kutoka kwa mke wa kwanza wa Gaddafi, waliingia nchini Algeria wakati waasi walipoudhibiti mji mkuu Tripoli.

Amepewa hifadhi nchini humo na kuwekewa vikwazo na serikali vya kutotoa matamshi yoyote ya kisiasa wala kuingilia mambo ya Libya

Muhammad Gaddafi (Mwanawe)

Ikiwa mambo yangekwenda vinginevyo Muhammad angehudhuria michezo ya Olimpiki 2012 kama mkuu wa kamati ya michezo hiyo nchini Libya.

Badala yake, Muhammad mwanawe wa kwanza Gaddafi, amekuwa nchini Algeria kwa mwaka mmoja sasa tangu kukimbilia huko wakati waasi walipovamia mji wa Tripoli.

Ni mtoto wa mke wa kwanza wa Gaddafi, Fathia, pia alikuwa mwenyekiti wa kampuni ya taifa mawasliano ya simu za mkononi nchni Libya.

Hatakikani na mahakama ya ICC na hakuhusika pakubwa na kujaribu kuzima harakati za mapinduzi dhidi ya babake mwaka jana.

Saif al-Islam Gaddafi (Mwanawe Gaddafi)

Alionekana na wengi kama ,mrithi wa babake, alikamatwa mwezi mmoja baada ya kifo cha babake, na amekuwa akizuiliwa mjini Zintan tangu hapo.

Alihitimu kutoka chuo cha mafunzo ya uchumi mjini London, na amekuwa sababu ya mvutano kati ya mahakama ya kimataifa ya ICC ambako anakabiliwa na tuhumza za uhalifu wa kivita na maafisa wa sheria nchini Libya ambao wanasisitiza kuwa lazima kesi yake iendeshwe nchini humo.

Idara ya sheria nchini Libaya kwa sasa inaonekana kushinda katika mvutano huo, lakini hakuna tarehe rasmi ya kusikilizwa kwa kesi yake, inaarifiwa kuwa jela ya kifahari ikiwa na uwanja wa mpira wa vikapuni na mpishi wake binafsi vimeandaliwa kwa Saif mjini Tripoli

Saadi Gaddafi (Mwanawe Gaddafi)

Saadi Gaddafi, aliyekuwa mkuu wa shrikisho la soka nchini Libya pamoja na kuongoza vikosi maalum, amepewa hifadhi nchini Niger ambako anaishi katika makao makuu baada ya kutoroka kupitia jangwa la Sahara.

Saadi ana sifa tata ambapo alikuwa akicheza soka katika ligi ya Italia ingawa safari yake ilikatizwa baada ya kuhusishwa na madawa haramu pamoja na maisha yake ya anasa.

Niger imekataa ombi la Libya kumpeleka nchini humo huku waziri wa sheria akisema kuwa huenda akahukumiwa kunyongwa.

Mnamo mwezi Septemba, shirika la Polisi wa kimataifa Interpol lilitoa onyo ambalo litawaruhusu nchi wanachama kamkamata Saadi.

Mwezi Disemba mwaka jana polisi nchini Mexico walisema wana taarifa za kijasusi kuwa magenge ya wafanyabiashara haramu ambao wanajaribu kumhamisha Saadi nchini Mexico kwa kutumia stakabadhi bandia.

Hannibal Gaddafi (Mwanawe Gaddafi)

Hannibal ni mtoto wa tano wa Gaddafi na Safiya Farkash. Inaamini alikuwa kwenye msafara wa magari ya Gaddafi uliokuwa unaelekea nchini Algeria mwaka Jana .

Alikuwa anaongoza majeshi kulinda eneo la Gharyan, Kusini mwa Tripoli, kabla ya waasi kudhibiti Tripoli.

Alisifika kwa tabia zake za anasa na aliwahi kukamtwa akiwa amelewa wakati akiendesha gari aina ya Porsche mjini Paris.

Alizua mgogoro wa kidiplomasia na Uswizi baada ya kuwashambulia wafanyakazi wawili wa hoteli nchini humo na kusababisha babake kuwafunga jela wafanyakazi kutoka nchini humo, na hata kuiwekea nchi hiyo vikwazo.

Aisha Gaddafi (Mwanawe Gaddafi wa kike)

Mwanawe pekee wa kike alipewa hifadhi nchini Algeria pamoja na mamake na ndugu yake.

Siku tatu baada ya kuwasili Algeria, alijifungua mtoto msichana na kumuita Safiya, jina la mamake.

Licha ya kuwekewa ulinzi mkali na serikali ya Algeria, aliripotiwa hivi karibuni kuwataka watu nchini Libya kupindua serikali ya sasa. Kwa usaidizi wa wakili wake Muisraeli, aliitaaka mahakama ya ICC kuchunguza kifo cha babake

Aisha pia aliripotiwa kuunga mkono Algeria katika mechi moja kati yake na Libya akisema kuwa serikali mpya ya Libya haimwakilishi kivyovyote.

Hanaa Gaddafi (Mwanawe wa kuasiliwa)

Kanali Gaddafi alikuwa kwa muda mrefu akidai kuwa Hanaa aliuawa katika shambulizi la Marekani mwaka 1986 wakati akiwa na mwaka mmoja na nusu. Lakini tangu mapinduzi kufanyika, kumekuwa na taarifa kuwa Hanaa yuko hai ingawa hajulikani aliko.

Moussa Ibrahim (aliyekuwa msemaji wa Serikali)

Tarehe 20 mwezi Oktoba, mwaka mmoja baada ya kifo cha Gaddafi, taarifa kutoka kwa ofisi ya waziri mkuu zilisema kuwa Ibrahim alikamatwa na waasi mjini Tarhouna, maili arobaini kutoka mji mkuu.Maafisa wengine hata hivyo walishuku habari hizo.

Kumekuwa na taarifa nyingi kuhusu kukamatwa kwake lakini baadaye ikasemekana kuwa uongo.

Alikuwa mwsemaji wa serikali na kujulikana na vyombo vya habari vya kimataifa, alionekana mwisho mjini Tripoli kabla ya waasi kuudhibiti mji huo.

Kila siku alitoa taarifa kwa waandishi wa habari kuwahakikishia kuwa serikali itaendelea kuwa imara na kwamba waasi hawatafanikiwa kuiangusha.Alitoka kabila moja na Gaddafi na alijigamba kuishi nchini Uingereza kwa miaka 15 kabla ya kurejea nyumbani.